Birtingaráðgjöf
Birtingaáætlanir snúast um að nýta fjármuni skynsamlega, tryggja vörumerkjum nauðsynlegt áreiti og að ná sem mestum árangri með sem lægstum tilkostnaði. Gerð birtingaáætlana snýst um val á miðlum (hvar á að birta), tímasetningu birtinga (hvenær á að birta) og áreiti (hversu mikið á að birta) og að tryggja að auglýsingar nái eyrum og augum markhópsins með sem hagkvæmustum hætti. Við veitum viðskiptavinum okkar faglega ráðgjöf og höldum vel utan um allt ferlið, allt frá gerð birtingaáætlana, bókana á miðlum til birtinga og eftirfylgni.
Fagleg birtingaráðgjöf
Birtingahúsið veitir auglýsendum faglega ráðgjöf um markaðssetningu, auglýsingabirtingar og uppbyggingu auglýsingaherferða. Hjá Birtingahúsinu starfar vel menntað starfsfólk með áralanga reynslu af markaðssetningu og gerð birtingaáætlana. Við erum með sérfræðinga á sviði netmarkaðssetningar, leitarvélabestunar og notkun samfélagsmiðla.
Samhæfð skilaboð
Birtingahúsið býður uppá miðlæga stjórnun auglýsingabirtinga í stafrænum útimiðlum eins og strætóskýlum, útiskiltum (OOH, Out Of Home miðlum), upplýsingaskjám og netmiðlum. Þannig er hægt að samhæfa allar birtingar, uppfæra allt efni í rauntíma og tryggja að rétt skilaboð birtist á öllum miðlum samtímis.
Árangursmælingar
Hlutverk okkar er að aðstoða viðskiptavini okkar við langtíma uppbyggingu vörumerkja og auka vörumerkjavirði. Árangursmælingar eru órjúfanlegur hluti faglegs markaðsstarfs. Ráðgjöf Birtingahússins byggir á þekkingu og rannsóknum á virkni fjölmiðla og mælanlegum markmiðum eins og dekkun, tíðni og áreiti (TRP) og ítarlegum árangursmælingum á virkni vefauglýsinga. Við horfum á stóru myndina þegar kemur að gerð birtingaáætlana og leggjum áherslu á samspil fjölmiðla, hvað hentar hverju sinni og hverju þeir skila.